පොහොර ගැටලුවට විසඳුමක් ඉල්ලා සමගි ජනබලවේගයේ පාර්ලිමේන්තු මන්ත්‍රීවරුන් අද පාර්ලිමේන්තුවේදී විරෝධතාවයක නිරත වුණා.
විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල මහතා අද සභාවේදී පෙන්වා දුන්නේ සෞභාග්‍යයේ දැක්ම ප්‍රතිපත්ති ප්‍රකාශයට අනුව රසායනික පොහොර භාවිතයෙන් ඉවත්වීමට වසර 10 ක ඉලක්කයක් ලබාදී ඇති බවයි.
එහෙත් වසරතක් වැනි කාලයක් තුළදී රසායනික පොහොර ආනයනය අත්හිටුවීම ජනවරමට පිටුපා යාමක් බවයි මන්ත්‍රීවරයා පෙන්වා දුන්නේ.
අනතුරුව සමගි ජන බලවේගයේ මන්ත්‍රීවරුන් සභා ගැබ තුළ විරෝධතාවයක නිරතවුණා.
මේ අතර පොහොර ගැටලුව සහ භාණ්ඩ මිළ ඉහළ යාම සම්බන්ධයෙන් විපක්ෂ නායක සජිත් ප්‍රේමදාස මහතාද අද පාර්ලිමේන්තුවේදී අදහස් පළකලා.
ඊට පිළිතුරු දුන්නේ සභානායක දිනේෂ් ගුණවර්ධන අමාත්‍යවරයායි.
ඉන්ධන මිළ ඉහළ යාම සම්බන්ධයෙන්ද විපක්ෂ නායක සජිත් ප්‍රේමදාස මහතා චෝදනා කලා.
වත්මන් ආණ්ඩුව, අද වන විට ලක්ෂ 14 ක් පමණ වන රාජ්‍ය සේවකයන්ගේ හා 650,000ක් පමණ වන රජයේ විශ්‍රාමිකයින්ගේ වැටුප් විෂමතා විසඳීම සම්බන්ධයෙන් පූර්ණ නිර්වින්දනයක පසුවන බවයි විපක්ෂ නායකවරයා කියාසිටියේ.
