රට තුළ පවතින අසීරුතා සහ දුෂ්කරතා හේතුවෙන් පේරාදෙණිය විශ්වවිද්‍යාලය වසා දැමීමට තීරණය කර තිබෙනවා.
ඒ අනුව විශ්වවිද්‍යාලයේ සියලූම අධ්‍යයන වැඩසටහන් සහ විභාග තාවකාලිකව අත්හිටුවන බවයි විශ්ව විද්‍යාලයේ උපකුලපති මහාචාර්ය එම් ඩී ළමාවංශ නිකුත් කර ඇති නිවේදනයක දැක්වෙන්නේ.
එමෙන්ම නේවාසිකාගාර ද මේ යටතේ වසා දැමෙනු ඇති.
මේ හේතුවෙන් නේවාසිකාගාරවල රැඳී සිටින සියලූම ශිෂ්‍ය ශිෂ්‍යාවන්ට වහාම නේවාසිකාගාරවලින් පිටත්ව නිවෙස් බලා යන ලෙසයි විශ්ව විද්‍යාලයේ උපකුලපති මහාචාර්ය එම් ඩී ළමාවංශ උපදෙස් දී ඇත්තේ.
