මෙරටතුල ඊයේ (10) දිනයේදී පුද්ගලයින් හාරලක්ෂ විසි අටදහස් පන්සිය තිස් පස්දෙනෙකුට කොවිඩ් මර්දන එන්නතේ පළමු සහ දෙවන මාත්‍රා දී තිබෙනවා.
සයිනොෆාම් එන්නතේ පළමු මාත්‍රාව එක්ලක්ෂ අටදහස් හත්සිය හැත්තෑ දෙනෙකුටත් එහි දෙවන මාත්‍රාව දෙලක්ෂ හැත්තෑ හත්දහස් එකසිය විසි දෙනෙකුටත් ඊයේ දින ලබා දී ඇති බවයි දෛනික එන්නත්කරණ දත්ත වාර්තාවේ දැක්වෙන්නේ.
ඇස්ට්‍රාසෙනෙකා එන්නතේ පළමු මාත්‍රාව තුන්දහස් හාරසිය අසූ හත්දෙනෙකුටත් – එහි දෙවන මාත්‍රාව දෙදහස් හාරසිය හතලිස් හත් දෙනෙකුටත් මොඩර්නා එන්නතේ පළමු මාත්‍රාව 9315 දෙනෙකුටත් ඊයේ දිනයේදී ලබා දී තිබෙනවා.
ෆයිසර් එන්නතේ පළමු මාත්‍රාව 118 දෙනෙකුටත් එහි දෙවන මාත්‍රාව 278 දෙනෙකුටත් ඊයේ එන්නත්කර තිබෙනවා. මේ අනුව මෙරටදී කොවිඩ් මර්දන එන්නත්වල මාත්‍රා දෙකම ලබාදීමෙන් පූර්ණ එන්නත්කරණයට ලක්කර ඇති මුලූ සංඛ්‍යාව තිස් පන්ලක්ෂ විසි නවදහස් පන්සිය පහලව දක්වා ඉහළ යනු ඇති.
