2022 වර්ෂයේදී පිළිගත් දේශපාලන පක්ෂයක් වශයෙන් මැතිවරණ කොමිසන් සභාවේ ලියාපදිංචි වීම සදහා අයදුම්පත්‍ර 76 ක් ලැබී ඇති බව කොමිසම දැනුම් දෙනවා.
ඒ අනුව මෙම අයදුම්පත්‍ර සම්බන්ධයෙන් ඉදිරි කටයුතු සිදුකිරීම ආරම්භ කිරීමටයි අද රැස්වූ මැතිවරණ කොමිසන් සභාව තීරණය කර ඇත්තේ.
යම් කිසි දුබලතාවයකට පත්ව ඇති පුද්ගලයෙකුට ඡන්ද ප්‍රකාශ කිරීම සදහා වෛද්‍ය සහතිකයක් ඉදිරිපත් කොට සහයකයෙකු රැගෙන යාමට මැතිවරණ පන්තවලින් ප්‍රතිපාදන ලබා දී ඇති බව සදහන්.
පළමුවර එවැනි වෛද්‍ය සහතිකයක් ඉදිරිපත් කොට ඡන්ද ප්‍රකාශ කරන තැනැත්තෙකුට ඉන් අනතුරුව පැවැත්වෙන ඡන්ද විමසීම්වලදී නැවත වෛද්‍ය සහතිකයක් ඉදිරිපත් කිරීමකින් තොරව එම තැනැත්තන්ට විශේෂ හැදුනුම්පතක් මැතිවරණ කොමිසන් සභාව විසින් නිකුත් කිරීමටද අද තීරණය වී තිබෙනවා.
