රටතුල පවතින ඉන්ධන අර්බුධය හමුවේ තමන් දැඩි අපහසුතාවට පත්ව ඇතැයි සමස්ථ ලංකා පාසල් ළමුන් ප්‍රවාහන සංගමය චෝදනා කරනවා.
මේ ඒ සම්බන්ධයෙන් නිව්ස් රේඩියෝ වෙත අදහස් දැක්වූ එම සංගමයේ ලේකම් ලලිත් චන්ද්‍රසිරි මහතා.
පාසල් ආරම්භ කෙරෙන අද දිනයේ සිට ලංකා ගමනාගමන මණ්ඩලයට අයත් සිසු සැරිය පාසල් බස්රථ 741ක්ද දිවයින පුරා ධාවනයට යොදවා ඇති බව ලංකා ගමනාගමන මණ්ඩලය පවසනවා.
මණ්ඩලයේ නියෝජ්‍ය සාමන්‍යාධිකාරි පණ්ඩුක ස්වර්ණහංස මහතා නිව්ස් රේඩියෝ වෙත කියා සිටියේ පෞද්ගලික වෑන් රථ වල ප්‍රවාහන ගැටලු ඇති පාසල් දරුවන්ට මෙම සිසු සැරිය බස් රථ හරහා සිය ප්‍රවාහන පහසුකම් සලසා ගත හැකි බවයි.
මේ අතර නව පාසල් වාරය ඇරඹෙන අද සිට සිය බස්රථ සාමාන්‍ය පරිදි ධාවනයේ යෙදෙන බව සමස්ථ ලංකා පෞද්ගලික බස් හිමියන්ගේ සංගමය පවසනවා.
එහි සභාපති ගැමුණු විජෙරත්න මහතා නිව්ස් රේඩියෝවට කියා සිටියේ පසුගිය දින කිහිපයේදී අර්බුධයකින් තොරව බස්රථ සදහා ඩීසල් ලබාගත හැකිවූ බැවින් මෙම දින කිහිපයේදී සාමාන්‍ය පරිදි පෞද්ගලික බස්රථ ධාවනයේ යෙදෙන බවයි.
