පළාත් අතර සංචරණ සීමා ඊයේ මධ්‍යම රාත්‍රියේ සිට නැවතත් මුලුමනින්ම අත්හිටුවනු ලැබුවා.
ඒ කොවිඩ් වෛරස ව්‍යාප්තිය සැළකිල්ලට ගනිමින්.
රජය නිකුත් කල උපදෙස් අනුව අන්තර් පළාත් ප්‍රවාහන කටයුතුද අත්හිටුවීමට පියවර ගත් බවයි ප්‍රවාහන අංශ සඳහන් කලේ.
ඒ අනුව පළාත් අතර සිය සේවා මේ වනවිට අත්හිටුවා ඇතැයි ලංකා ගමනාගමන මණ්ඩලය මෙන්ම ශ්‍රී ලංකා දුම්රිය සේවයද සඳහන් කලා.
ලංගම නියෝජි්‍ය සාමාන්‍යාධිකාරී – ධාවන පණ්ඩුක ස්වර්ණහංස මහතා නිව්ස් රේඩියෝවට කියාසිටියේ අන්තර් පළාත් බස් රථ ද යොදාගනිමින් පළාත් තුළ ධාවන වාර සංඛ්‍යාව ඉහළ නංවා ඇති බවයි.
කෙසේවෙතත් පළාත් අතර ගමන් කරන මගීන් විවිධ ක්‍රම යොදාගනිමින් පළාත් අතර ගමන් කිරීම අත්හිටුවීමට පියවර ගත යුතු බවයි ලංකා පෞද්ගලික බස් හිමියන්ගේ සංගමය සඳහන් කලේ.
එහි සභාපති ගැමුණු විf–රත්න මහතා නිව්ස් රේඩියෝවට කියාසිටියේ තමන් ඒ පිළිබඳ ඊයේ දිනයේදී ජනාධිපතිවරයාටද ලිඛිත දැනුම් දීමක් සිදුකල බවයි.
