පසුගිය කාලයේ මෙරට මාධ්‍යවේදීන් ඝාතනයට ලක්වීම සහ හිංසනයන්ට ලක්වීමේ සිද්ධීන්වලට අදාල නඩු කටයුතු අවසන් අදියරට පැමිණ නැවතී ඇති බවට සමගි ජන බලවේගයේ පාර්ලිමේන්තු මන්ත්‍රි මනූෂ නානායක්කාර මහතා චෝදනා කරනවා.
කඩිනමින් මෙම නඩු කටයුතු ඉදිරියට පවත්වා අදාල මාධ්‍යවේදීන්ට සාධාරණයක් ඉටුකරන ලෙසයි මන්ත්‍රිවරයා රජයෙන් ඉල්ලා සිටින්නේ.
2022 අයවැය යටතේ ජනමාධ්‍ය අමාතංශයට අයත් වැය ශීර්ෂ පිළිබඳ කාරක සභා අවස්ථාවේ විවාදයට එක්වෙමිනුයි මනූෂ නානායක්කාර මහතා මේ බව කියා සිටියේ.
පසුගිය වසරේදී පමණක් මාධ්‍ය නිදහසට බාධා කිරීමේ සිද්ධීන් 58 ක් වාර්තා වී ඇති බවද මන්ත්‍රීවරයා මෙහිදී අනාවරණය කළා.
ජනමාධ්‍ය හා සමාජ මාධ්‍ය නියාමනය සඳහා ඒකාබද්ධ ක්‍රමවේදයක් සකස් කළ යුතු බවයි විවාදයේදී අදහස් දක්වමින් සමගි ජන බලවේගයේ මන්ත්‍රී ගයන්ත කරුනාතිලක මහතා කියා සිටියේ.
