නිරෝධායන ඇඳිරි නීතිය හේතුවෙන් ජීවනෝපාය අහිමිවූ පුද්ගලයින් සඳහා රජය ලබාදෙන රුපියල් 2000 දීමනාව පවුල් 727,339 ක් සඳහා ලබා දී තිබෙනවා.
ආපදා කළමනාකරණ සහ ස්වදේශ කටයුතු අමාත්‍ය චමල් රාජපක්ෂ මහතා කියාසිටියේ පවුල් ලක්ෂ 18 කට ආසන්න ප්‍රමාණයකට එම දීමනාව ලබාදිය යුතු බවට හඳුනාගෙන ඇති බවයි.
දිස්ත්‍රික් ලේකම් කාර්යාල සහ ප්‍රාදේශීය ලේකම් කාර්යාල මගින් ඔවුන්ට මෙම දීමනාව ලබාදීමට නියමිත බව අමාත්‍යවරයා සඳහන් කලා. මෙම දීමනාව අදාල පවුල් වෙත ඉතා කඩිනමින් ලබාදී අවසන් කරන ලෙස ද චමල් රාජපක්ෂ මහතා දිස්ත්‍රික් සහ ප්‍රාදේශීය ලේකම්වරුන්ට උපදෙස් ලබාදී තිබෙනවා.
