සුපිරි ටෙනිස් ක්‍රීඩක නොවැක් ජොකොවිච් මෙල්බන් හිදී ඔස්ටේ්‍රලියානු ආගමන අංශ භාරයට ගෙන තිබෙනවා.
හෙට එනම් ඉරිදා පෙරවරු 09 යි 30 ට පැවැත්වෙන නඩු විභාගයේදි ආගමන අංශ විසින් ඔහු අධිකරණයට ඉදිරිපත් කිරීමට නියමිතයි.
කිසියම් අයුරකින් වීසා අවලංගු කිරීමට එරෙහිව ජොකොවිච් ගේ අභියාචනය ප්‍රතික්ෂේප වුවහොත් ජොකොවිච් වහා ඔස්ටේ්‍රලියාවෙන් පිටුවහල් කෙරෙන අතර වසර 03 ක් යන තුරු නැවතත් ඔස්ටේ්‍රලියාවට පැමිණිමට අවසර හිමිවන්නේද නැහැ.
ලබන සඳුදා ඔස්ටේ්‍රලියානු විවෘත ටෙනිස් තරගාවලිය ආරම්භ වන අතර ජොකොවිච් මේ වනවිට අවස්ථා 09 කදී එය ජයගෙන තිබෙනවා.
මෙවර තරගාවලියද ඔහු විසින් ජයගතහොත් ටෙනිස් ඉතිහාසයේ ග්‍රෑන්ඩ් ස්ලෑම් ශූරතාවයන් වැඩිම ගණනක් එනම් ශූරතාවයන් 21 ක් දිනාගත් ලොව පළමු ක්‍රීඩකයා බවටද ඔහු පත්වනු ඇති.
ජොකොවිච් ගේ නීතීඥයන් විසින් ෆෙඩරල් අධිකරණයක් හමුවේ දෙවන වරටත් නඩුවක් පවරනු ලැබුවේ ඔහුගේ වීසා බලපත්‍රය අවලංගු කිරීම අභියෝගයට ලක් කරමිනුයි.
එය ඊයේ රාත්‍රිය වනතෙක්ම අධිකරණය හමුවේ සළකා බැලූණු අතර වැඩිදුර සළකා බැලීම ඉරිදා තෙක් කල් ගියා.
ලබන සඳුදා ආරම්භ වන ඔස්ටේ්‍රලියානු විවෘත ටෙනිස් තරගාවලියට ඔහු සහභාගී වන්නේද නොඑසේනම් ඔස්ටේ්‍රලියාවෙන් පිටුවහල් කරන්නේද යන්න එහිදී තීරණය වනු ඇති.
මෙල්බන් වෙත පැමිනිම සඳහා වීසා අයදුම්පත්‍රයට ව්‍යාජ තොරතුරු දුන් බවටයි ජොකොවිච් ට චෝදනා එල්ල වී ඇත්තේ.
