ශ්‍රී ලංකා බැඩ්මින්ටන් ක්‍රීඩක නිලූක කරුණාරත්නට ද ටෝකියෝ ඔලිම්පික් උළෙලේ මීලග වටයට පිවිසීමේ බලාපොරොත්තු අතහැර ගැනීමට සිදුවූණා.
ඒ අද පස්වරුවේ පැවති මූලික වටයේ තරගයේදී 02 ට 00 ක් ලෙස අයර්ලන්ත ක්‍රීඩකයා හමුවේ පරාජයට පත්වීමත් සමගයි.
ඔලිම්පික් උළෙලේ ශ්‍රී ලංකාව නියෝජනය කරන කිසිදු ක්‍රීඩකයෙකුට හෝ ක්‍රීඩිකාවකට මේ දක්වා සැළකිය යුතු දක්ෂතාවයක් දැක්වීමට හැකිවී නැහැ.
ටෝකියෝ ඔලිම්පික් උළෙලේ ශ්‍රී ලංකා කණ්ඩායමේ නායක ලෙස කටයුතු කරන ජූඩෝ ක්‍රීඩක චාමර නුවන් ධර්මවර්ධන අද පෙරවරුවේ සහභාගී වූ තරග ඉසව්වෙන් පරාජයට පත්වුණා.
ඒ කිලෝ ග්‍රෑම් 73 බර පංතියේ තරගයේදී ප්‍රතිවාදී ජිබුටි රාජ්‍යයේ ක්‍රීඩකයා හමුවේ 10 ට 00 ක් ලෙසයි.
මෙවර ඔලිම්පික් තරගාවලියට සහභාගීවන ලාංකික ක්‍රීඩක ක්‍රීඩිකාවන් 09 දෙනා අතුරින් 05 දෙනෙකුටම මේ වනවිට තරගාවලියෙන් ඉවත්වීමට සිදුවී තිබෙනවා.
