හෙට අලුයම 04 ට නිරෝධායන ඇඳිරි නීතිය ඉවත් කෙරුණද අන්තර් පළාත් සංචරණ සීමා අඛණ්ඩව ක්‍රියාත්මක බව යුධ හමුදාපති ජනරාල් ශවේන්ද්‍රවරයා පවසනවා.
මේ අතර හෙට සිට නිරෝධායන ඇඳිරි නීතිය ඉවත් කළද සති දෙකක් යනතුරු කිසිදු දුම්රියක් ධාවනය නොවන බව ප්‍රවාහන රාජ්‍ය අමාත්‍ය දිලූම් අමුණුගම මහතා සඳහන් කලා.
එමෙන්ම ඉදිරි සති දෙක තුළ අන්තර් පළාත් බස් රථ ධාවනය කිරීමෙන් වැළකී සිටීමට පියවර ගන්නා බවත් රාජ්‍ය අමාත්‍යවරයා සඳහන් කලා.
කෙසේවෙතත් පළාත් තුළ බස් රථ ධාවනය හෙට අලුයම 04 න් පසු සාමාන්‍ය පරිදි ආරම්භ කෙරෙනු ඇති.
සෞඛ්‍ය බළධාරීන්ගේ උපදෙස් මත මෙම තීරණ ගත් බවද ප්‍රවාහන රාජ්‍ය අමාත්‍ය දිලූම් අමුණුගම මහතා කියාසිටියා.
මේ අතර අත්‍යවශ්‍ය රාජ්‍ය සේවාවන්ට ප්‍රමුඛතාව ලබා දෙමින්, හෙට සිට යළි රාජ්‍ය සේවය සක්‍රීය කරන බව, රාජ්‍ය සේවා අමාත්‍ය ජනක බණ්ඩාර තෙන්නකෝන් මහතා පවසනවා.
ඊට අදාළ චක්‍රලේඛය අද නිකුත් කෙරෙනු ඇති බව සඳහන්.
දිවයින පුරා ක්‍රියාත්මක නිරෝධායන ඇදිරි නීතිය හෙට අලූයම 04 ට ඉවත් කිරීමට නියකරන ලෙස ජනාධිපතිවරයා විසින් උපදෙස් ලබාදී තිබෙනවා.
ඒ අනුව ඇදිරි නීතිය ඉවත් කිරීමෙන් පසු ක්‍රියාත්මක කෙරෙන නව සෞඛ්‍ය මාර්ගෝපදේශ අද දිනයේ නිකුත් කිරීමට නියමිතයි.
