නිදහස් අධ්‍යාපනයට මරුපහරක් වන කිසිදු ප්‍රතිපාදනයකට හෝ වැඩපිළිවෙලකට සෘජුව හෝ වක්‍රව සමගි ජන බලවේගය සහාය ලබා නොදෙන බව විපක්ෂ නායක සජිත් ප්‍රේමදාස මහතා අවධාරණය කරනවා.
එවැනි ප්‍රතිපාදන සහ එවැනි වැඩපිළිවෙලවලට කොන්දේසි විරහිතව එරෙහි වන බවත් ඒ අනුව ජෝන් කොතලාවල ජාතික ආරක්ෂක විශ්ව විද්‍යාල පනත් කෙටුම්පත පාර්ලිමේන්තුවේදී පරාජය කිරීමට සමගි ජන බලවේගය ඒකමතිකව තීරණය කර ඇති බවත් විපක්ෂ නායකවරයා සඳහන් කලා.
විශ්ව විද්‍යාල ආචාර්යවරුන්, සමගි ජන බලවේගයේ බුද්ධි මණ්ඩපය ,අධ්‍යාපන ක්ෂේත්‍රයේ නියෝජනය කරන සමගි ජන බලවේගයේ මන්ත්‍රී කණ්ඩායම ඇතුළු පිරිස සමග පැවති සාකච්ඡාවකින් අනතුරුව මාධ්‍යයට අදහස් දක්වමින් සජිත් ප්‍රේමදාස මහතා මේ බව කියා සිටියා.
