ඉන්ධන හා ගෑස් ඉල්ලා ප්‍රදේශ රැසක අද පෙරවරුවේ ආරම්භ වූ විරෝධතා තවදුරටත් ක්‍රියාත්මකයි.
නාවින්න / කොම්පඤ්ඤවීදිය / දඹුල්ල ආදී ප්‍රදේශ රැසක ජනතාව අද පැය ගණනක් පුරා මාර්ග අවහිර කරමින් විරෝධතා සිදුකලේ ගෑස් ලබාදෙන ලෙස බලකරමින්.
නාවින්න හන්දියේ විරෝධතාවක නිරත වන පිරිස හා ගම්මුන් අතර පස්වරුවේ දැඩි උණුසුම්කාරී තත්ත්වයක් ඇතිව ඇතැයි පොලිසිය සඳහන් කලා.
138 බස් මාර්ගය අයත් හයිලෙවල් මාර්ගය විවෘත කරන්නැයි ගම්වාසීන් පිරිසක් එම ස්ථානයට පැමිණ උද්ඝෝෂකයන්ට දැනුම් දි ඇති අතර ඒ අවස්ථාවේ දෙපිරිස අතර උණුසුම් වචන හුවමාරුවක් සිදුවුණා.
එය ගුටිබැට හුවමාරුවක් දක්වා ඇදී ගිය අතර පොලිසිය පැමිණ එම පිරිස ඉවත් කිරීමට පියවර ගත් බව සඳහන්.
මේ අතර කුඹුරු සී සෑම සඳහා ට්‍රැක්ටර්වලට යෙදීම සදහා බුලිවලට ඉන්ධන ලබා දෙන ලෙස ඉල්ලා ගොවීන් පිරිසක් මහනුවර යාපනය ඒ 9 ප්‍රධාන මාර්ගය දඹුල්ල බස් ඩිපෝව ඉදිරියෙන් වසා දමා විරෝධතාවයක නිරත වුණා.
