ජාතික අවම වැටුප සම්බන්ධයෙන් අද පාර්ලිමේන්තුවේදී විවාදයක් පැවැත්වුණා.
ජාතික ජන බලවේගයේ මන්ත්‍රී විජිත හේරත් මහතා එහිදී සඳහන් කලේ දෛනික අවම වැටුප රුපියල් 1000 දක්වා ඉහළ දැමිය යුතු බවයි.
ගුරු – විදුහල්පති වැටුප් ගැටලුව පදනම් කරගනිමින් විරෝධතා ආරම්භ වූයේ රජයේ අමාත්‍යවරුන්ගේ ඇතැම් ප්‍රකාශ හේතුවෙන් බවටද මෙහිදී චෝදනා කෙරුණා.
විවාදයේ පිළිතුරු කථාව කලේ කම්කරු අමාත්‍ය නිමල් සිරිපාල ද සිල්වා මහතායි.
ඔහු කියාසිටියේ කොවිඩ් වසංගතය හමුවේ මෙරට රැකියා අහිමි වී ඇත්තේ 12,000 කට ආසන්න පිරිසකට පමණක් බවයි.
