සාමාන්‍ය ජනතාවට අනතුරක් කරන හෝ හානි කරන, සමාජ විරෝධී ක්‍රියාවල නිරත වන, දේපළවලට හානි සිදු කරන අයට එරෙහිව අවශ්‍ය බලය යෙදවීමට පොලිසිය සහ සන්නද්ධ හමුදාවන්ට බලය දී ඇතැයි ආරක්ෂක ලේකම් විශ්‍රාමික ජනරාල් කමල් ගුණරත්න පවසනවා.
ඔහු සඳහන් කළේ සාමාන්‍ය ජනතාවගේ ජන ජීවිතයට බලපෑම් ඇතිවන ආකාරයේ සමාජ විරෝධී ක්‍රියා හෝ ජීවිත / පුද්ගලික දේපළ හෝ පොදු දේපළවලට හානි කිරීමේ අරමුණින් කටයුතු කරන ඕනෑම අයෙකුට තදින්ම නීතිය ක්‍රියාත්මක කිරීමට පොලිසියට සහ ත්‍රිවිද හමුදාවට අවශ්‍ය බලය පවරා ඇති බවයි.
මේ අතර ඇතැම් අමිහිරි සිදුවීම් සිදුවිය හැකි බවට ලැබී ඇති වාර්තා මෙන්ම බුද්ධි තොරතුරු මත මහජනතාවගේ ජීවිත හා දේපළ ආරක්ෂා කර ගැනීම සඳහා ඇඳිරි නීතිය පැනවූ බවයි පොලිස්පති සී. ඩී. වික්‍රමරත්න කියාසිටියේ.
ඒ අනුව පවතින ඇඳිරි නීති තත්ත්වය සැලකිල්ලට ගෙන තම නිවෙස්වලට වී සාමකාමීව කටයුතු කරන ලෙසට පොලිස්පතිවරයා ඉල්ලීමක් කරනවා.
