දීර්ඝකාලීන සිරකරුවන් සදහා පොදු සමාවක් ලබාදීමට නිර්දේශ කිරීමේ කමිටුව ඊයේ ප්‍රථම වරට රැස්වී තිබෙනවා.
මෙම රැස්වීම විශ්‍රාමික අභියාචනාධිකරණ විනිසුරු එන්. සුනිල් රාජපක්ෂ මහතාගේ සභාපතීත්වයෙන් සහ බන්ධනාගාර දෙපාර්තමේන්තුව, බන්ධනාගාර ප්‍රතිසංස්කරණ හා සිරකරු පුනරුත්ථාපන රාජ්‍ය අමාත්‍යංශය, බන්ධනාගාර වෛද්‍ය අංශය ඇතුලූ ආයතන කිහිපයක සාමාජිකයින්ගේ සහභාගීත්වයෙන් බන්ධනාගාර මුලස්ථාන ශ්‍රවණාගාරයේදී පැවැත්වූ බවයි බන්ධනාගාර මාධ්‍ය ප්‍රකාශක චන්දන ඒකනායක මහතා සදහන් කලේ.
නිදහස් වීමට දිනයක් නොමැති බන්ධනාගාරගත සිරකරුවන් එනම්, මරණීය දණ්ඩනය නියම වු, ජීවිතාන්ත සිර දඩුවම් නියම වු හා දීර්ඝ කාලයක් සිර දඩුවම් ලබා සිටින සිරකරුන් සම්බන්ධයෙන් පොදු සමාව ලබාදීමේ විධිමත් ක්‍රමවේදයක් හදුන්වාදීමේ අරමුණ ඇතිවයි මෙම කමිටුව රජය විසින් ස්ථාපිත කරනු ලැබුවේ.
එමගින් බන්ධනාගාර පරිපාලනය ශක්තිමත් කිරීම, සිරකරුවන්ගේ තදබදය අඩු කිරීමත්, සිරකරුවන්ට පොදු සමාවක් ලබාදීමේ විධිමත් ක්‍රමවේදයක් සැකසීම එමගින් අපේක්ෂා කෙරෙණු ඇති.
ඊයේ රැස්වූ කමිටු සාමාජිකයන් මෙම යාන්ත්‍රණය සම්බන්ධයෙන් ඉදිරියේදි ක්‍රියාත්මක කිරිමට නියමිත කරුණු පිළිබදව දීර්ඝ ලෙස සාකච්ඡා කර තිබෙනවා.
