දිස්ත්‍රික් 10 කට පණවා ඇති නාය යෑමේ අනතුරු ඇගවීම හෙට පස්වරු 04 දක්වා දීර්ඝ කර තිබෙනවා.
කොළඹ / බදුල්ල / ගාල්ල / කලුතර / කුරුණෑගල / මාතලේ / නුවරඑළිය / මහනුවර / කෑගල්ල සහ රත්නපුර දිස්ත්‍රික් සඳහායි මෙම නායයෑමේ අනතුරු ඇගවීම් නිවේදනය බලපැවැත්වෙන්නේ.
මේ අතර ගිණිකොණ දිග බෙංගාල බොක්ක මුහුදු ප්‍රදේශයේ අඩු පීඩන කලාපයක් වර්ධනය වී තිබෙනවා.
එම පද්ධතිය ඉදිරි පැය 36 තුළ පීඩන අවපාතයක් දක්වා තවදුරටත් වර්ධනය වෙමින් බස්නාහිරට බරව වයඹ දෙසට ගමන් කර ශ්‍රී ලංකාවේ උතුරු වෙරළ ආසන්නයෙන් උතුරු තමිල්නාඩු වෙරළට ළගාවනු ඇතැයි අපේක්ෂා කෙරෙනවා.
මෙහි බලපෑම හමුවේ දිවයිනේ බොහෝ ප්‍රදේශවල විටින් විට වැසි හෝ ගිගුරුම් සහිත වැසි ඇති විය හැකි බව කාළගුණ විද්‍යා දෙපාර්තමේන්තුව පවසනවා.
උතුර – වයඹ සහ උතුරු මැද පළාත්වල ඇතැම් ස්ථානවලට මිලිමීටර 150 ට වැඩි ඉතා තද වැසි ඇති විය හැකි බවයි කාළගුණ නිවේදනයේ දැක්වෙන්නේ.
බස්නාහිර – සබරගමුව – මධ්‍යම සහ ඌව පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවලට මිලිමීටර 100 පමණ තද වැසි ඇති විය හැකියි.
