මහනුවර ඓතිහාසික ශ්‍රී දළදා මාළිගාවේ දළදා සමිදුන්ගේ තේවා කටයුතු අස්ගිරි පාර්ශ්වයේ මහා සංඝරත්නය විසින් මල්වතු මහාවිහාර පාර්ශ්වයේ මහා සංඝරත්නය වෙත භාරදීම ඊයේ සිදුකෙරුණා.
අතීතයේ සිටම සෑම ඇසළ පුන් පොහෝ දිනයකටම පසුදින තේවා කටයුතු වලින් පසුව මල්වතු පාර්ශ්වයෙන් අස්ගිරි පාර්ශ්වයටත් අස්ගිරි පාර්ශවයෙන් මල්වතු පාර්ශවයටත් තේවා කටයුතු භාරදීම සිදු වනවා.
ඒ අනුව ඊයේ දින තෙක් දළදා සමිඳුන්ගේ තේවාවන් කටයුතු අස්ගිරි පාර්ශ්වයේ මහා සංඝරත්නය විසින් සිදු කර ඇති අතර ලබන වසරේ ඇසළ පුන් පොහෝ දිනය තෙක් එම තේවාවන් භාරව කටයුතු කරන්නේ මල්වතු පාර්ශ්වයේ ස්වාමීන් වහන්සේලා විසිනුයි.
