දරුවන් අපයෝජනයට ලක්වීමේ සිද්ධීන් පසුගිය සමය තුළ බරපතල ආකාරයෙන් ඉහළ ගොස් ඇති බව රාගම ශීක්ෂණ රෝහලේ ළමා සහ නවයොවුන් සෞඛ්‍ය පිළිබද විශේෂඥ වෛද්‍ය මියුරු චන්ද්‍රදාස මහතා පවසනවා.
පසුගිය සමය තුළ කොවිඩ් වසංගතය හමුවේ පාසල් වසා තැබීම මෙම තත්වයට ප්‍රධාන හේතුවක් බවයි සෞඛ්‍ය ප්‍රවර්ධන කාර්යංශයේ අද පැවති මාධ්‍ය හමුවකදී ඔහු පෙන්වා දුන්නේ.
2018 – 2019 වසරවලට සාපේක්ෂව 2020 සහ 2021 වසරවලදී ළමා සහ යොවුන් මනස පිළිබද සායනවලට පැමිණෙන දරුවන්ගේ ප්‍රතිශතය සියයට 20කින් පමණ ඉහළගොස් ඇති බවද විශේෂඥ වෛද්‍ය මියුරු චන්ද්‍රදාස මහතා මෙහිදී අනාවරණ කළා.
විශාදය සහ විද්‍යුත් තිරවලට ඇබ්බැහිවීම වැනි රෝගී තත්වයන්ගෙන් පෙලෙන දරුවන් මෙලෙස සායනවලට පැමිණීම ඉහළගොස් ඇති බවයි ඔහු පෙන්වා දුන්නේ.
