මෙරට ජනතාවට තුන්වන මාත්‍රාව සදහා අවශ්‍ය එන්නත් සහතික කරවා ගැනීමේ ක්‍රියාවලිය මේ වන විට ආරම්භ කර ඇතැයි සෞඛ්‍ය අමාත්‍යාංශය පවසනවා.
එහි මාධ්‍ය ප්‍රකාශක නියෝජ්‍ය සෞඛ්‍ය සේවා අධ්‍යක්ෂ ජෙනරාල් විශේෂඥ වෛද්‍ය හේමන්ත හේරත් මහතා කොළඹ අද පැවති මාධ්‍ය හමුවකට එක්වෙමිනුයි මේ බව කියා සිටියේ.
මෙරට ජනතාවට වාර්ෂිකව කොරෝනා මර්ධන එන්නතක් ලබාදීමේ සූදානමක් ඇතිදැයි මාධ්‍යවේදීන් මෙහිදී ප්‍රශ්ණ කළා.
පාසල් හැරගිය අවුරුදු 18 හා 19 වයස්වල ලමුන්ට එන්නත් ලබාදීම සදහා වන වැඩපිළිවෙල සම්බන්ධයෙන්ද මෙහිදී අදහස් පළ වුනා. එවැනි ලමුන්ට අදාල ප්‍රදේශවල සෞඛ්‍ය වෛද්‍ය නිළධාරිවරයා හමුවී එන්නත් ලබා ගැනීම සදහා ලියාපදිංචි විය හැකි බවද හේමන්ත හේරත් මහතා කියා සිටියා.
පොදු ප්‍රවාහන සේවා භාවිතයේදී ජනේල විවෘත කර ගමන් කළ යුතු බවයි විශේෂඥ වෛද්‍ය හේමන්ත හේරත් මහතා සිහිපත් කළේ
