ශ්‍රී ලංකාවට අලූතින් පත්ව පැමිණි නව තානාපතිවරයෙකු සහ මහ කොමසාරිස්වරයෙකු ජනාධිපති ගෝඨාභය රාජපක්ෂ මහතා වෙත සිය අක්තපත්‍ර භාරදී තිබෙනවා.
නවසීලන්ත මහ කොමසාරිස්වරයා ලෙස මයිකල් එඩ්වඩ් ඇපල්ටන් සහ කියුබානු ජනරජයේ තානාපතිවරයා ලෙස අන්ද්‍රෙස් මාර්සෙලෝ ගරීඩෝ මහත්වරු පත්ව සිටින බවයි ජනාධිපති මාධ්‍ය අංශය සඳහන් කලේ.
ඉන්දියාවේ පිහිටි නවසීලන්ත මහ කොමසාරිස් කාර්යාලය මගින් ශ්‍රී ලංකාවට අදාළ කටයුතු මෙතෙක් සම්බන්ධීකරණය කෙරුණා.
ඒ අනුව මෙරට ස්ථාපිත කෙරෙන නවසීලන්ත මහ කොමසාරිස් කාර්යාලයේ, පළමු මහ කොමසාරිස්වරයා ලෙස කටයුතු කිරීමට ලැබීම සතුටට කරුණක් බවයි මයිකල් එඩ්වඩ් ඇපල්ටන් මහතා සඳහන් කළේ.
කොවිඩ් පැතිර යාම ආරම්භයේ සිටම රජයක් ලෙස ගත් ක්‍රියාමාර්ග, එන්නත්කරණය සම්බන්ධයෙන් ලබාගෙන ඇති ප්‍රගතිය පිළිබඳ ජනාධිපතිවරයා නව තානාපතිවරුන් දැනුවත් කර තිබෙනවා.
