ඩුබායි හි සිටින මත්ද්‍රව්‍ය ජාවාරම්කරුවෙකු විසින් මෙහෙයවන සැකකරුවන් 03 දෙනෙකු පොලිසිය විසින් අත්අඩංගුවට ගෙන තිබෙනවා.
අදාල මත්ද්‍රව්‍ය ජාවාරම්කරුගේ බිරිඳද ඒ අතර වන බවයි පොලිසිය කියාසිටියේ.
හෙරොයින් ග්‍රෑම් 294 ක් සමග සැකකරුවෙකු ගොඩගම ප්‍රදේශයේදී අත්අඩංගුවට ගෙන තිබුණා.
ඔහුගෙන් සිදුකල වැඩිදුර ප්‍රශ්ණ කිරීම්වලදී හෙරොයින් කිලෝ 03 යි ග්‍රෑම් 300 ක් සමග තවත් සැකකරුවෙකු පාදුක්කේදී අත්අඩංගුවට ගෙන ඇති බවයි පොලිසිය කියාසිටියේ.
එම තැනැත්තා දුන් තොරතුරු අනුව සැකකාරියක අත්අඩංගුවට ගෙන ඇත්තේ රුපියල් එක් කෝටි 79 ලක්ෂයකට වැඩි මුදලක් සමගයි.
මෙම මුදල් මත්ද්‍රව්‍ය ජාවාරමෙන් උපයාගනු ලැබු බවට විශ්වාස කෙරෙන අතර ත්‍රී රෝද රථයක්ද පොලිස් භාරයට ගැණුනා.
31 – 36 සහ 58 හැවිරිදි මොවුන් සම්බන්ධයෙන් වැඩිදුර විමර්ශන මෙහෙයවන්නේ පොලිස් මත්ද්‍රව්‍ය නාශක කාර්යාංශයයි.
