කොළඹ පිහිටි ජාත්‍යන්තර සබඳතාවලට අදාල ආයතනයකට ප්‍රහාරයක් එල්ලවන බවට ලද පැමිණිල්ලකට අදාළව හිටපු ගුවන් හමුදා නිළධාරියෙකු කොළඹ අපරාධ කොට්ඨාශය විසින් අත්අඩංගුවට ගෙන තිබේ.
මොහු මහනුවර පදිංචි කීර්ති රත්නායක නම් අයෙකු වන අතර ගුවන් හමුදාව විසින් නෙරපා හරිනු ලැබූවෙකු බව පොලිසිය සඳහන් කලේය.
සැකකරු සම්බන්ධයෙන් කොළඹ අපරාධ කොට්ඨාශයයි වැඩිදුර විමර්ශන මෙහෙයවන්නේ.
අදාල විදේශ ආයතනයේ නිළධාරියෙකු විසින් ඊයේ දහවල් කොල්ලුපිටිය පොලිසිය වෙත පැමිණිල්ල ඉදිරිපත් කර තිබූ බවයි පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ කියා සිටියේ.
