රසායනික පොහොර තහනම් කිරීමේ තීරණය හරහා ජනාධිපතිවරයා විසින් සිදුකර ඇත්තේ විනාෂකාරී වෙනසක් බව ජනතා විමුක්ති පෙරමුණේ නායක අනුර කුමාර දිසානායක මහතා අවධාරණය කරනවා.
එබැවින් පොහොර සම්බන්ධයෙන් ගෙන ඇති තීන්දුව වහා වෙනස් කරන ලෙසයි අනුර කුමාර දිසානායක මහතා පක්ෂ මූලස්ථානයේ අද පැවති මාධ්‍ය හමුවකදී අදහස් දක්වමින් ජනාධිපතිවරයාගෙන් ඉල්ලා සිටියේ.
කෘෂිකර්ම අමාත්‍යංශයේ ලේකම්වරයා පාර්ලිමේන්තුවේ උසස් නිලතල පිළිබද කාරක සභාවේදී ඊයේ කළ ප්‍රකාශයක්ද අනුර කුමාර දිසානායක මහතා මෙහිදී අනාවරණ කළා.
මේ අතර චීනයේ නිෂ්පාදිත කාබනික පොහොර තොගයක් රැගෙන පැමිණෙන නෞකාවට කොළඹ වරායට ඇතුලුවීමට ඉඩ නොදෙන ලෙස කෘෂිකර්ම අධ්‍යක්ෂ ජනරාල්වරයා විසින් හාබර් මාස්ටර් වරයාට දැනුම් දී ඇති බවද අනුර කුමාර දිසානායක මහතා මෙහිදී අනාවරණ කළා.
නිළධාරින් ගෙන ඇති මෙම තීරණය ආපසු හැරවීමට උත්සහ නොකරන ලෙසයි අනුර කුමාර දිසානායක මහතා රජයෙන් ඉල්ලා සිටියේ.
