ආණ්ඩුවක් පිහිටුවන්නැයි ඇතැම් අමාත්‍යරු විපක්ෂයට ආරාධනා කළද ජනවරමක් නොමැතිව පාලනයක් පවත්වාගෙන යන්නේ කෙසේ දැයි සමගි ජන බලවේගය රජයෙන් ප්‍රශ්න කරනවා.
අද විපක්ෂනායක කාර්යාලයේ පැවති මාධ්‍ය හමුවට එක්වෙමින් පාර්ලිමේන්තු මන්ත්‍රී එස් එම් මරික්කාර් මහතා කියා සිටියේ ස්ථාවර නොමැති ආණ්ඩුවකට ජාත්‍යන්තරයේද සහයෝගයක් නොලැබෙන බවයි.
මේ අතර පවතින මහජන විරෝධතා සම්බන්ධයෙන්ද එස් එම් මරික්කාර් මහතා අදහස් පළකලා.
සාමාන්‍ය ජනතාව විසින් සිදුකරන අරගලවලට දේශපාලන මුහුණුවරක් ලබා දීමට සමගි ජන බලවේගය සූදානම් නොමැති බවයි ඔහු කියා සිටියේ.
