ජූනි 30 වැනිදා ගාලු කොටුව අසල පැවති උද්ගෝෂණයට බාධා කළ යුද්ධ හමුදා නිළධාරීන් ඇතුලු පිරිසට නීතිමය පියවර ගන්නා ලෙස නියෝගයක් නිකුත් කරන්නැයි ඉල්ලා ඉදිරිපත් කර තිබූ මූලික අයිතිවාසිකම් පෙත්සමක් ලබන 27 වැනිදා පංච පුද්ගල ශ්‍රේෂ්ඨාධිකරණ විනිසුරු මඩුල්ලක් හමුවේ විභාගයට ගැනීමට ශ්‍රේෂ්ඨාධිකරණය තීරණය කළා.
හිටපු පාර්ලිමේන්තු මන්ත්‍රී අජිත් කුමාර හා නීතිඥ සමරදිවාකර ලියනාරචිචි යන මහත්වරුන් විසිනුයි මෙම පෙත්සම ගොණු කර ඇත්තේ.
එය අද කැදවනු ලැබුවේ අගවිනිසුරු ජයන්ත ජයසූරිය / එල්.ටී.බී දෙහිදෙනිය / යසන්ත කෝදාගොඩ යන විනිසුරු මඩුල්ල හමුවේදියි කැදවනු ලැබුවේ.
මේ අතර රට ආර්ථික ප්‍රපාතයකට ඇද වැටීමට හේතු වූ රාජපක්ෂ පාලන සමයේ අදුරදර්ශි ආර්ථික කළමණාකරණට වගකිව යුතු සියළු දෙනාට එරෙහිව විධිමත් පරීක්ෂණයක් පවත්වා නිසි දඩුවම් ලබා දෙන්නැයි නියෝග කරන්නැයි ඉල්ලා ඉදිරිපත් වූ මූලික අයිතිවාසිකම් පෙත්සමක්ද ලබන 27 වැනිදා අදාල පංච පුද්ගල විනිසුරු මඩුල්ල හමුවේ විභාගයට ගැනීමටයි ශ්‍රේෂ්ඨාධිකරණය තීරණය කළේ.
ජාත්‍යන්තර පදක්කම් ලාභි ක්‍රීඩක ජූලියන් බෝලිං / ශ්‍රී ලංකා වාණිජ මණ්ඩලයේ හිටපු සභාපති චන්ද්‍රා ජයරත්න ඇතුළු සිව් දෙනෙකු විසිනුයි මෙම පෙත්සම ගොණු කර ඇත්තේ.
පෙත්සමේ වග උත්තකරුවන් ලෙස නම්කර ඇත්තේ හිටපු අගමැති මහින්ද රාජපක්ෂ / හිටපු මුදල් අමාත්‍ය බැසිල් රාජපක්ෂ / හිටපු මහ බැංකු අධිපතිවරුන් වන ඩබ්ලිව් ඩී ලක්ෂ්මන් / අජිත් නිවාඩ් කබ්රාල් / මහ බැංකු මූල්‍ය මණ්ඩලය ඇතුළු පිරිසක් නම් කර තිබෙනවා. පෙත්සම අද කැදවනු බැලුනේ අගවිනිසුරු ජයන්ත ජයසූරිය / එල්.ටී.බී දෙහිදෙණිය / යසන්ත කෝදාගොඩ යන විනිසුරු මඩුල්ල හමුවේදියි.
