ඇඳිරි නීතිය පැනවීම හරහා රජය ජනතා ගැටලූවලට විසඳුම් සෙවීම වෙනුවට මර්දනකාරී පිළිවෙතකට අවතීර්ණ වීමට සූදානම් බව පෙන්නුම් කෙරෙන බව ජනතා විමුක්ති පෙරමුණේ නායක පාර්ලිමේන්තු මන්ත්‍රී අනුර කුමාර දිසානායක මහතා පවසනවා.
වත්මන් රජයට තවදුරටත් රට පාලනය කළ නොහැකි බවත් ජනාධිපතිවරයාගේ සහ අගමැතිවරයාගේ පාලනය අසාර්ථක බව මනාව ඔප්පු වී ඇති බවත් ඔහු පෙන්වා දෙනවා.
රට මේවන විට විශාල වියවුලකට පත්ව ඇති අතර වත්මන් අගමැතිවරයාගේ සහ ජනපතිවරයාගේ හැසිරීම්වලින් පෙන්නුම් කෙරෙන්නේ ඔවුන්ට ජනතා ගැටලූවලට විසඳුම් සෙවීමට අවශ්‍යතාවක් නොමැති බව යැයි ද ඊයේ රාත්‍රී පැවති මාධ්‍ය හමුවකදී අනුර දිසානායක මහතා කියාසිටියා.
