අඩු ආදායම් ලාබීන්ට හා ඉහල ආදායම් ලාබීන්ට එකම බදු ප්‍රතිපත්තියක් හදුන්වාදීම සාධාරණ නොවන බව සමගි ජන බලවේගයේ පාර්ලිමේන්තු මන්ත්‍රී එස් එම් මරික්කාර් මහතා පෙන්වා දෙනවා.
කොළඹ අද පැවති මාධ්‍ය හමුවකට එක්වෙමින් ඔහු කියා සිටියේ මෙවන් ආර්ථික වාතාවරණයක දී අඩු ආදායම් ලාබීන්ගේ බදු බර වැඩි කිරීම සුදුසු නොමැති බවයි.
වැට් බද්ධ ඇතුළු බදු වර්ග ගණනාවක් ඉහල නැංවීමට ගෙන ඇති තීරණය පිළිබද අදහස් දක්වමිනුයි මරික්කාර් මහතා මේ බව සදහන් කළේ.
21 වැනි ආණ්ඩුක්‍රම ව්‍යවස්ථ සංශෝධනය මගින් ජනාධිපතිවරයා සතු විධායක බලතල ශක්තිමත් කෙරෙන්නේ නම් ඊට සහය දීමේ හැකියාවක් නොමැති බවයි මරික්කාර් මහතා අවධාරණය කලේ.
