ගුරු විදුහල්පති වැටුප් විෂමතා ඉවත් කිරීම ඇතුලූ ඉල්ලීම් කිහිපයක් මුල් කරගනිමින් දිවයින පුරා ගුරුවරුන් සහ විදුහල්පතිවරුන් ආරම්භ කර ඇති වෘත්තීය ක්‍රියාමාර්ගයට අදාලව විසදුම් ලබාදීම සදහා කැබිනට් මණ්ඩලයෙන් ලැබුණු ප්‍රථිඵලය පිළිබදව අද දිනයේදී ගුරු සංගම් කැදවා දැනුම් දීමට නියමිතයි.
ඒ අධ්‍යාපන අමාත්‍යංශයේදීයි.
ඒ අනුව අද පෙරවරු 11 ට මේ සම්බන්ධයෙන් සාකච්ඡා කිරීමට අධ්‍යාපන අමාත්‍යංශයට පැමිණෙන ලෙසයි ගුරු සංගම් වෙත දැනුම්දී ඇත්තේ.
නිවුස් රේඩියෝවට අදහස් දක්වමින් ලංකා ගුරු සංගමයේ ප්‍රධාන ලේකම් ජෝසෆ් ස්ටාලින් මහතා කියා සිටියේ සිය ඉල්ලීම් ඉටු වී නොමැති වුවහොත් ඉදිරි ක්‍රියාමාර්ග ගැනීමට නියමිත බවයි.
