ගුරු විදුහල්පතිවරුන් විසින් ආරම්භ කරන ලද වෘත්තීය අරගලය ලබන වසරේ ජනවාරි 20 දක්වා අත්හිටුවීමට තීරණය කල බව ගුරු සංගම් නිවේදනය කරනවා.
ලංකා ගුරු සංගමයේ ප්‍රධාන ලේකම් ජෝසප් ස්ටාලින් මහතා නිව්ස් රේඩියෝවට කියා සිටියේ ගුරු සංගම් නියෝජිතයින් අද කොළඹදී රැස්වූ අවස්ථාවේදී මෙම තීරණයට එළඹි බවයි.
දෙමව්පියන්ගෙන් මුදල් එකතු කිරීම නවතන ලෙස රජයට බල කිරීම / පාසල් තුළ දේශපාලන අවශ්‍යතා මත උත්සව සහ රැස්වීම් සංවිධානය නොකිරීම හා දරුවන් ඊට සම්බන්ධ නොකිරීම / අධ්‍යාපනය සදහා 6% ක් දළ දේශීය නිෂ්පාදනයෙන් වෙන් කරවා ගැනීමට අරගල කිරීම ඇතුලු යෝජනා 10 ක්ද අද පැවති සාකච්ඡාවේදී සම්මත කරගත් බවයි ජෝසප් ස්ටාලින් මහතා කියා සිටියේ.
