රටතුල කෙතරම් භාණ්ඩ සහ සේවා නිශ්පාදනය කලද ඒවා සඳහා නිසි වෙළඳපොළක් පවතිනුයේ යුරෝපයේ සහ අරාබියේ බව ආණ්ඩු පක්ෂ පාර්ලිමේන්තු මන්ත්‍රී ප්‍රමිත බණ්ඩාර තෙන්නකෝන් මහතා පවසනවා.
ලෝකයේ රටවලින් මුල්‍ය ප්‍රාග්ධනය ඇත්තේ චීනයේ බවත් මහද්වීපයේ බලය ඇත්තේ ඉන්දියාවේ බවත් වෙලදපොල ඇත්තේ යුරෝපයේ සහ අරාබියේ බවත් රජය අවබෝධ කරගත යුතු බවයි ඔහු අවධාරණය කරන්නේ.
2022 අයවැය දෙවන වර කියවීමේ විවාදයට ඊයේ එක්වෙමින් ප්‍රමිත බණ්ඩාර තෙන්නකෝන් මහතා මේ බව කියා සිටියා.
අද වනවිට විදෙස්ගත ශ්‍රමිකයින්ගේ ආදායම වේගයෙන් පහළගොස් ඇතැයි සමගි ජනබලවේගයේ පාර්ලිමේන්තු මන්ත්‍රීනි තලතා අතුකෝරාළ මහත්මිය පවසනවා.
එවැනි අවස්ථාවකදී විදෙස් ශ්‍රමිකයින් විසින් මෙරටට එවන ඩොලර් පවා සූරා කන තත්වයට ආණ්ඩුව පත්ව තිබීම සම්බන්ධයෙන් කණගාටු වන බවයි ඊයේ පාර්ලිමේන්තුවේදී අදහස් දක්වමින් මන්ත්‍රීවරිය කියා සිටියේ.
උද්ඝෝශණ හේතුවෙන් කොවිඩ් බෝ වන බවට ආණ්ඩුව පැවසුවද මුලික අවශ්‍යතා ඉටුකර ගැනීම සදහා රටපුරා ජනතාව පෝළිම් ගැසී සීටිමේදීද කොවිඩ් රෝගය බෝ විය හැකි බව පාර්ලිමේන්තු මන්ත්‍රී පාඨලී චම්පික රණවක මහතා පවසනවා.
ඊයේ පාර්ලිමේන්තුවේදී ඒ සම්බන්ධයෙන් අදහස් දක්වමින් ඔහු වැඩිදුරටත් කියා සිිටියේ රටතුල පවතින ගෑස් හිගය පාර්ලිමේන්තු මන්ත්‍රීවරුන්ටද බලපා ඇති බවයි.
