ගෑස් මිල අඩු කළත් බේකරි නිෂ්පාදන වල මිල අඩු කළ නොහැකි බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පැවසීය.
බේකරි නිෂ්පාදකයන්ගෙන් 75% ක් පමණ ඩීසල්, දර සහ විදුලිය භාවිතා කිරීම මෙයට හේතු වී ඇතැයි ද ඔහු සඳහන් කළේය.
ඩොලරයේ අගය පහත වැටීමට සාපේක්ෂව තිරිගු පිටි, මගරින්, ඊස්ට් සහ බිත්තර මිල ආදිය අඩු වුවහොත් පමණක් ඉදිරියේදී ජනතාවට සහනයක් ලබාදීමට හැකියාව පවතින බවත් ඔහු සඳහන් කළේය.
ඩොලරයේ අගය ඉහළ යන බව පවසමින් තිරිඟු පිටි ඇතුලු ද්‍රව්‍ය මිළ ඉහළ දැමු ආකාරයටම ඩොලරයේ අගය පහළ යනවිටද ඒවායේ මිල අඩු කරන්නැයි එම සමාගම්වලින් ඉල්ලීමක් කරන බවත් ඔහු කීවේය.
