කොවිඩ් තත්වය හමුවේ රටවල් 21 ක් මේ වනවිට ශ්‍රී ලංකාවට සංචාරය කිරිම තහනම් කර ඇතැයි සංචාරක අමාත්‍ය ප්‍රසන්න රණතුංග මහතා පවසනවා.
එම සීමා ඉවත් කර ගැනීමට විදේශ කටයුතු අමාත්‍යංශය සමග එක්ව කටයුතු කරමින් සිටින බවයි අමාත්‍යවරයා කියාසිටියේ.
ශ්‍රී ලංකාවට වැඩි වශයෙන් සංචාරකයින් ගෙන්වා ගැනීම සදහා ලබන 01 වනදා සිට ඒකාබද්ධ ප්‍රවර්ධන වැඩපිළිවෙලක් සකස් කර ඇති බවයි ප්‍රසන්න රණතුංග මහතා සඳහන් කලේ.
සංචාරක හෝටල්, ගුවන් සමාගම් හා සංචාරක සංවිධායකයන්ට ලබා දිය හැකි සහන පැකේජ වශයෙන් ඒවා ක්‍රියාත්මක කිරීම සදහා අවශ්‍ය උපාය මාර්ගික සැලසුම් පිළිබදවද රජය අවධානය යොමු කර තිබෙනවා.
කොවිඩ් හමුවේ බිඳ වැටී ඇති මෙරට ආර්ථිකය නැවත ගොඩ ගත හැකි වනුයේ සංචාරක ව්‍යාපාරය වැනි කර්මාන්ත වලින් බවද ප්‍රසන්න රණතුංග මහතා ප්‍රකාශ කලා.
මීට සමගාමීව මෙරටට සංචාරකයින් ආකර්ෂනය කර ගැනිම සදහා ලොව පුරා ප්‍රවර්ධන වැඩ සටහන් ක්‍රියාත්මක කරන ලෙසද අමාත්‍යවරයා සංචාරක ප්‍රවර්ධන කාර්යාංශයට උපදෙස් දී තිබෙනවා.
ඒ අනුව රුසියානු හා නැගෙනහිර යුරෝපා කලාපයේ නව ප්‍රවර්ධන වැඩසටහන් ලබන මාසයේ සිට ආරම්භ කිරිමට නියමිතයි.
