ලොව බලවත් රටවල්වලට වඩා සාර්ථක මට්ටමකට මෙරට කොවිඩ් මර්දන එන්නත්කරණ වැඩසටහන ක්‍රියාත්මක කිරීමට රජයට හැකියාව ලැබී ඇති බව ශ්‍රී ලංකා පොදුජන පෙරමුණ පවසනවා.
පක්ෂ ප්‍රධාන කාර්යාලයේ අද පැවති මාධ්‍ය හමුවකදී රාජ්‍ය අමාත්‍ය අරුන්දික ප්‍රනාන්දු මහතා කියා සිටියේ කොවිඩ් වසංගතයෙන් මහජනතාව ආරක්ෂා කරගැනීමට අවශ්‍ය සෑම ක්‍රියාමාර්ගයක්ම රජය විසින් නිවැරදිව ගෙන ඇති බවයි.
විවිධ චෝදනාවන්ට ලක්ව ඇති පාර්ලිමේන්තු මන්ත්‍රි රිෂාඩ් බදියුදීන් මහතාගේ පක්ෂයේ පාර්ලිමේන්තු මන්ත්‍රිවරුන්ගේ සහය විවිධ අවස්ථාවන්වලදී ආණ්ඩුවට ලැබීම පිළිබදව මාධ්‍යවේදීන් මෙහිදී ශ්‍රී ලංකාපොදුජන පෙරමුණෙන් ප්‍රශ්ණ කලා.
එහිදී රාජ්‍ය අමාත්‍ය අරුන්දික ප්‍රනාන්දු මහතා කියා සිටියේ රිෂාඩ් බදියුදීන් මහතා නායකත්වය දරණ දේශපාලන පක්ෂයේ පාර්ලිමේන්තු මන්ත්‍රිවරුන් 4 දෙනෙකුගේ සහය ආන්ඩුවට ලැබුණද බදියුදීන් මහතාගේ සහයක් ආණ්ඩුවට නොමැති බවයි.
මෙම වසරේ වැඩිම මුදල් නෝට්ටු ප්‍රමාණයක් ඊයේ දිනයේදී මුද්‍රණය කර නිකුත් කර ඇතැයි මාධ්‍ය ඔස්සේ පළවූ තොරතුර පිළිබදවද මෙහිදී මාධ්‍යවේදීන් ශ්‍රී ලංකා පොදුජන පෙරමුණෙන් ප්‍රශ්ණ කළා.
මේ ඊට ප්‍රතිචාර දැක්වූ අමාත්‍ය සී බී රත්නායක මහතා.
