එන්නත්කරණ මධ්‍යස්ථාන වෙත යාමට අපහසු පුද්ගලයන් සදහා ඔවුන්ගේ නිවෙස් වෙතම ගොස් කොවිඩ් මර්දන එන්නත ලබාදීමේ ශ්‍රී ලංකා යුද හමුදා ජංගම වැඩසටහන අද දිනයේදීත් ක්‍රියාත්මකයි.
දකුණු කොළඹ ප්‍රදේශයේදී අද දිනයේ මෙම ජංගම එන්නත්කරණ වැඩසටහන ක්‍රියාත්මක කිරීමටයි සැළසුම් කර ඇත්තේ.
ඒ අනුව වැල්ලවත්ත සහ කිරුළපන ප්‍රදේශ සඳහා ජංගම එන්නත්කරණ රථ 03 ක් බැගින් / කොල්ලුපිටිය ප්‍රදේශය ආවරණය වන පරිදි ජංගම එන්නත්කරණ රථ 02 ක් / බොරැල්ල සහ කොළඹ 07 ප්‍රදේශ සඳහා ජංගම එන්නත්කරණ රථයක් බැගින් යෙදවීමට නියමිතයි.
මීට අමතර දකුණු කොළඹ ප්‍රදේශය සඳහා ගිලන් රථයක් අනුයුක්ත කිරීමටද යුධ හමුදාව කටයුතු යොදා තිබෙනවා.
