රටේ අඩු ආදායම්ලාභී ජනතාවගේ ආර්ථික තත්වය නංවාලීම රජයේ අරමුණ බව රාජ්‍ය අමාත්‍ය ෂෙහාන් සේමසිංහ මහතා පවසනවා.
අඩු ආදායම්ලාභී ජනතාව වෙනුවෙන් නිවාස 1000 ක් සකස් කීරිමේ වැඩපිළිවෙලක් සමෘද්ධි දෙපාර්තමේන්තුව හරහා ක්‍රියාත්මක කරන බවයි රාජ්‍ය අමාත්‍යවරයා ප්‍රකාශ කළේ.
ඔහු මේ බව කියා සිටියේ සෞභාග්‍යා නිෂ්පාදන ගම්මාන වැඩසටහන පිළිබද කොළඹදී මාධ්‍යයට අදහස් දක්වමින්.
දිවයින පුරා නිෂ්පාදන ගම්මාන 500 ක් හා පවුල් 40000 ක් බිහි කිරිමේ අපේක්ෂාවෙන් මෙම වැඩසටහන ක්‍රියාත්මකයි.
සමෘද්ධි ව්‍යාපාරය වෙනුවෙන් ආණ්ඩුව වසරකට රුපියල් මිලියන 50000 ක් වැය කරන බවද මෙහිදි සදහන් කෙරුණා.
ජනතා සුබසාධන වැඩසටහන් වළින් මග හැර යාමට කොවිඩ් වසංගතය හේතුවක් කර නොගත් බවයි රාජ්‍ය අමාත්‍ය ෂෙහාන් සේමසිංහ මහතා අවදාරණය කළේ.
