අධ්‍යයන පොදු සහතික පත්‍ර උසස් පෙළ විභාගය අවසන් වන තුරු අඛණ්ඩව විදුලිය ලබාදීමට හැකියාවක් නොමැති බව ලංකා විදුලිබල මණ්ඩලය පවසනවා.
මේ වන විට විදුලිබල මණ්ඩලය මුහුණදී ඇති දැඩි මූල්‍ය අර්බුදය හමුවේ එවැනි පිරිවැයක් දරා ගැනීමේ ක්‍රමවේදයක් නොමැතිව අඛණ්ඩව විදුලිය ලබාදීම ගැටලු සහගත බවයි මණ්ඩලය පැවසුවේ.
එහෙත් ඊයේ පැවති සාකච්ඡාවේදී විදුලි සැපයුම අඛණ්ඩව ලබාදීම සඳහා අවශ්‍ය ඉන්ධන සැපයීමට මානව හිමිකම් කොමිෂන් සභාව සහ මහජන උපයෝගිතා කොමිෂන් සභාව ඛණිජ තෙල් නීතිගත සංස්ථාවට යෝජනාවක් කර තිබෙනවා.
මණ්ඩලය වැඩිදුරටත් සඳහන් කළේ අඛණ්ඩව විදුලිය ලබාදීම සම්බන්ධයෙන් ශ්‍රී ලංකා මානව හිමිකම් කොමිෂන් සභාවේ පැවති සාකච්ඡාවේදී තීරණය කළද ඒ සම්බන්ධයෙන් මේ වන විටත් ලිඛිතව විදුලිබල මණ්ඩලය වෙත දැනුම්දී නොමැති බවයි.
