එක්ස්ප්‍රස් පර්ල් නෞකා අනතුර සම්බන්ධයෙන් කල් තැබීමේ විවාදය ඊට අදාළ නඩු කටයුතුවලට අගතියක් නොවන පරිදි පැවැත්වීමට පක්ෂ නායකයින් තීරණය කර තිබෙනවා.
ඒ, කතානායකවරයා විසින් අද පෙරවරුවේ කැඳවූ විශේෂ පක්ෂ නායක රැස්වීමේදීයි.
නඩු කටයුත්තක් පැවැත්වෙන අවස්ථාfවේ මෙම කල් තැබීමේ විවාදය පැවැත්වීම රටට අවාසිදායක බවත්, එය ස්ථාවර නියෝගවලට පටහැනි බවත් අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ආචාර්ය විජේදාස රාජපක්ෂ එම විවාදය ආරම්භ වීමට පෙර පෙන්වා දුන්නා.
ඒ අනුව සභාවේ කටයුතු තාවකාලිකව අත්හිටුවා පක්ෂ නායක රැස්වීමක් කැඳවීමට කතානායකවරයා තීරණය කළා.
එහිදී ගනු ලැබූ තීරණවලට අනුව කොන්දේසි කිහිපයකට යටත්ව අදාළ කල් තැබීමේ විවාදය පැවැත්වීමට තීරණය කළ බවයි කතානායකවරයා සභාව යළි රැස්වීමෙන් පසු දැනුම් දුන්නේ.
