කොතලාවල ආරක්ෂක විශ්වවිද්‍යාල පණත ක්‍රියාත්මක කිරීම නුසුදුසු බවට රජයේ වෛද්‍ය නිළධාරීන්ගේ මධ්‍යම කාරක සභාව ඒකමතිකව තීරණය කර තිබෙනවා.
මෙම පණතේ ඇතුලත් කරුණු මගින් සිදුවිය හැකි හානි කරුණු 07 ක් යටතේ සාකච්ඡාවට ගනිමිනුයි සංගමයේ සියලූ ශාඛා සමිති සහ මධ්‍යම කාරක සභාව එක්ව මෙම තීරණය ගෙන ඇත්තේ.
ඊයේ පැවති මාධ්‍ය හමුවකට එක්වෙමින් රජයේ වෛද්‍ය නිළධාරීන්ගේ සංගමයේ මාධ්‍ය කමිටු සාමාජික වෛද්‍ය රුවන් ජයසුරිය මහතා මේ සම්බන්ධයෙන් වැඩිදුරටත් කරුණු පැහැදිලි කලා.
මේ අතර කොවිඩ් මර්ධන එන්නත් දෙකම ලබාගත් පුද්ගලයින්ට රෝගය වැළදීමේ නව ප්‍රවණතාවක් ආරම්භ වී ඇති බව මෙම මාධ්‍ය හමුවට එක්වූ වෛද සමන්ත ආනන්ද මහතා සදහන් කලා.
එමෙන්ම රි–වේ ආර්යා ළමා රෝහල තුල සෞඛ්‍ය සේවකයින්ට මෙන්ම කුඩා දරුවන් රැසකටද වෛරසය වැළදී ඇති බවයි ඔහු අනාවරණය කලේ. මෙවැනි තත්වයන් මත බස්නාහිර පළාත කේන්ද්‍ර කර ගනිමින් කොවිඩ් අවදානම් තත්වයක් ආරම්භ වී ඇති බව සමන්ත ආනන්ද මහතා වැඩිදුරටත් කියා සිටියා.
