කොතලාවල ආරක්ෂක විශ්ව විද්‍යාල පනත් කෙටුම්පත අධ්‍යයනය සඳහා පත් කළ ශ්‍රී ලංකා නිදහස් පක්ෂයේ කමිටුව විසින් සිය ස්ථාවරය දන්වා ජනාධිපතිවරයාට ලිපියක් යොමු කර තිබෙනවා.
අදාළ පනත් කෙටුම්පතට අදාළව කාරණා 04 ක් සංශෝධනය විය යුතු බව එම කමිටුවේ ස්ථාවරයයි.
ඒ අනුව, කොතලාවල ජාතික ආරක්ෂක විශ්ව විද්‍යාලය විශ්ව විද්‍යාල ප්‍රතිපාදන කොමිසමේ නියාමනය හා පාලනයෙන් බැහැර නොකිරීම හා රැකියාවක් කරන අතරතුර උපයන ආදායමකින් ගෙවීමේ පදනම මත ණය මුදලක් ලබාදීම නිදහස් පක්ෂයේ යෝජනා 02 ක්.
ආරක්ෂක අංශයේ නිලධාරීන් නොවන උපාධි අපේක්ෂකයින් ඇතුළත් කර ගැනීමේදී විනිවිදභාවයකින් යුතු අගය මත පදනම් වූ සාධාරණ ක්‍රමයක් පනතේ පැහැදිලිව සඳහන් කිරීම හා පාලක සභාවල සිවිල් සාමාජික සංඛ්‍යාව බහුතරයක් බවට පත් කිරීම එම කමිටුව යෝජනා කරන අනෙකුත් සංශෝධනයි.
