අමරිකානු ඩොලර් සංචිත හිගවීම හේතුවෙන් කිරිපිටි සහ ගෑස් ආනයනය සදහා ණයවර ලිපි නිකුත් කිරීමට නොහැකි තත්වයක් උද්ගතව ඇති බවට ඇතමුන් සිදුකරන ප්‍රකාශ තමන් පිළි නොගන්නා බව මුදල් අමාත්‍යංශයේ ලේකම් එස් ආර් ආටිගල මහතා අවධාරණය කරනවා.
මේ දක්වා කිරිපිටි සහ ගෑස් ආනයනය කිරීමට ඩොලර් සංචිත අඩුවීම කිසිදු ආකාරයකින් බලපෑමක් එල්ල කර නොමැති බවයි ඔහු පෙන්වා දෙන්නේ.
රජයේ ප්‍රවෘත්ති දෙපාර්තමේන්තුවේ අද පැවති මාධ්‍ය සාකච්ඡාවකදී මාධ්‍යවේදියෙකු යොමුකළ ප්‍රශ්ණයකට පිළිතුරු දෙමින් එස් ආර් ආටිගල මහතා මෙම අදහස් පළ කළා. දැනට පවතින තත්වය සැළකීමේදී ඉදිරියේදී කිරිපිට මිල පහළයාමක් අපේක්ෂා කරන බවද එස් ආර් ආටිගල මහතා මෙහිදී අනාවරණ කළා.
මෙම වසරේදී දිනක් තුළ තුළ මුද්‍රණය කළ වැඩිම රුපියල් නෝට්ටු ප්‍රමාණය එනම් රුපියල් බිලියන 200කට අධික මුදල් ප්‍රමාණය මුද්‍රණය කළේ කුමන කරුණක් සදහාදැයි මාධ්‍යවේදිනයක මෙහිදී එස් ආර් ආටිගල මහතාගෙන් විමසා සිටියා.
ට පිළිතුරු දෙමින් ඔහු කියා සිටියේ මහබැංකුව වෙත රුපියල් ණය පියවීම සදහා එම මුදල් යොමුකරන බවයි.
මෙලෙස මුදල් නෝට්ටු මුද්‍රණය තුලින් තුලින් මෙරට උද්දමනය වැඩිවීමේ හැකියාවක් නොමැති බවද ආටිගල මහතා පෙන්වා දුන්නා.
