ඇෆ්ගනිස්ථානයේ තලේබාන් සටන්කාමින් විසින් ප්‍රහාර එල්ලකළ හැකි බවට පවතින සැකය මත අමරිකානු ජාතිකයින්ට කාබුල් ගුවන් තොටුපළට යාමෙන් වළකින ලෙස අමරිකාව විසින් සිය පුරවැසියන්ට අනතුරු අගවා තිබෙනවා.
ඊයේ දිනයේදී ආරක්ෂක අනතුරු ඇගවීමක් ලෙස එක්සත් ජනපද පුරවැසියන්ට දන්වා ඇත්තේ මේ සම්බන්ධයෙන් ආරක්ෂක තර්ජන පවතින බවයි.
කෙසේ නමුත් එක්සත් ජනපද රජයේ නියෝජිතයෙකු සිය පුරවැසියන් රැගෙන යාමට පැමිණ ඇත්නම් පමණක් අමරිකානුවන්ට කාබුල් ගුවන්තොටුපළෙන් පිටත් වීමට අවසර දී ඇති බවද විදෙස් වාර්තා සදහන් කළා.
මේ අතර කාබුල් නගරයට ප්‍රහාර එල්ල කරන බවට අයි එස් සටන්කාමින් විසින් ප්‍රසිද්ධියේ තර්ජනය කර නැහැ.
තලේබාන් සංවිධානය කාබුල් නගරය අත්පත් කර ගැනීමෙන් පසු විශාල ජනතාවක් ඇෆ්ගනිස්ථානයෙන් පලා යාමට උත්සාහ කිරීමත් සමග ගුවන් තොටුපල පර්යන්තය ඉදිරිපිට පසුගියදා නොසන්සුන්කාරී වාතාවරණයක් පැවති බවද විදෙස් මාධ්‍ය වාර්තා කළා.
