කදුරුගස් ආර එළිමහන් සිරකඳවුරේ සිරකරුවෙකු මියයාමේ සිද්ධියේ විමර්ශනවලට අදාළව එම සිර කඳවුරේ රාජකාරි කටයුතු සිදු කරනු ලබන නිලධාරින් 03 දෙනෙකුගේ වැඩ තහනම් කර තිබෙනවා.
බන්ධනාගාර මාධ්‍ය ප්‍රකාශක චන්දන ඒකනායක නිවේදනය කළේ ජේලර්වරයාගේ සහ තවත් දෙදෙනෙකුගේ රාජකාරි එලෙස අත්හිටුවූ බවයි.
ගාල්ලේ පදිංචි 49 හැවිරිදි පුද්ගලයෙකු ඇඹිලිපිටිය – කදුරුගස්ආර එළිමහන් සිරකඳවුරේ රඳවා සිටියදී පහර දී මරණයට පත් කර ඇති බවටයි එම සිරකරුවාගේ ඥාතීන් චෝදනා කලේ.
අදාළ සිද්ධිය සම්බන්ධයෙන් බන්ධනාගාර බුද්ධි අංශ අධිකාරීවරයෙකුගේ ප්‍රධානත්වයෙන් විශේෂ විමර්ශනයක් ආරම්භ කර තිබෙනවා.
