ඖෂධ හිගයට සහ සෞඛ්‍ය ගැටලුවලට ඖෂධ නියාමන අධිකාරියද වගකිව යුතු බව සෞඛ්‍ය වෘත්තීයවේදීන්ගේ විද්වත් සංගමය අවධාරණය කරනවා.
ඖෂධ නියාමනඅධිකාරියේ වත්මන් ක්‍රියාකාරිත්වය හේතුවෙන්, රට තුළ ඖෂධ නිෂ්පාදනය කිරීමට මෙන්ම ඊට ඉදිරිපත් වන ආයතන සදහා අවසරය ලබා නොදීම හේතුවෙන් රට තුළ දේශීය වශයෙන් ඖෂධ නිෂ්පාදනය අධෛර්‍යයට පත්ව ඇති බවයි ඔවුන් පෙන්වා දෙන්නේ.
එසේම පුද්ගලයන්ගේ සහ ආයතන වල පරිත්‍යාග හරහා කළමනාකරණයවෙමින් පවතින වත්මන් සෞඛ්‍ය සේවාව සඳහා ලබාදෙන පරිත්‍යාග ලබා ලගැනීමේදීද, ඖෂධ නියාමන අධිකාරියේ ගතානුගතික, සාම්ප්‍රදායික, අසංවේදී තීරණ ගන්නා සම්ප්‍රදාය බරපතල බාධාවක් වී ඇති බවයි සංගමයේ සභාපති රවී කුමුදේශ් මහතා නිවේදනයක් නිකුත් කරමින් පෙන්වා දෙන්නේ.
මේ අතර ඩොලරයකට ලබාගත හැකි ඖෂධ සදහාම, ඩොලර් 10ක පමණ අනවශ්‍ය මිලක් ගෙවීමට සිදුවීම රටේ ආර්ථිකයට කිසිසේත් ගැලපෙන්නේ නැති බවද අදාළ නිවේදනයේ වැඩිදුරටත් සදහන්. මේ ඒ සම්බන්ධයෙන් අදහස් දැක්වූ රවී කුමුදේශ් මහතා.
