ඖෂධ ගෙන්වීම සඳහා මාස 09 ත් 11 ත් අතර ගතවූ ප්‍රසම්පාදන ක්‍රියාවලිය මේ වන විට මාස 3 – 4 දක්වා අඩු කිරීමට පියවර ගෙන ඇතැයි සෞඛ්‍ය අමාත්‍ය කෙහෙලිය රඹුක්වැල්ල මහතා යුනිසෙෆ් නියෝජිතයන්ට පවසා තිඛෙනවා.
විනිවිදභාවය වඩාත් සුරක්ෂිත කරමින් රෝගීන්ට හිගයකින් තොරව අඛණ්ඩව ඖෂධ ලබාදීම මෙහි ප්‍රමුඛ අරමුණ වන බව අමාත්‍යවරයා පෙන්වා දුන්නා. පැවති ඖෂධ හිගය මේ වන විට ක්‍රමයෙන් අඩුවෙමින් පවතින බව ද ඉදිරි සති කිහිපය තුළ එහි වඩාත් සාර්ථක බවක් ඇති වනු ඇතැයි ද අමාත්‍යවරයා සඳහන් කර තිඛෙනවා.
ජීවිතාරක්ෂක ඖෂධ 14 ම මේ වන විට රට තුළ පවතින්නේ යැයිද එමෙන්ම අත්‍යවශ්‍ය ඖෂධ 384 න් හිගව පවතින 100 ක පමණ ප්‍රමාණයද ඉතා කඩිනමින් ලබා ගැනීමට පියවර ගෙන ඇතැයිද සෞඛ්‍ය අමාත්‍යවරයා කියාසිටියා.
ලෝක බැංකුව, ලෝක සෞඛ්‍ය සංවිධානය ඇතුළු ජාත්‍යන්තර සංවිධාන මේ සඳහා අවශ්‍ය සහයෝගය ලබා දෙමින් පවතින බවද කෙහෙලිය රඹුක්වැල්ල මහතා ප්‍රකාශ කලා.
