පවතින ඖෂධ අර්බුදය පිළිබඳ වාර්තාවක් හා නිර්දේශ ඉදිරිපත් කිරීම සඳහා රජයේ වෛද්‍ය නිලධාරීන්ගේ සංගමයෙන් තාක්ෂණික කමිටුවක් පත් කර තිබෙනවා.
එම වාර්තාව මෙම සතිය අවසාන වන විට ලබා දීමට නියමිත බවයි සංගමය නිකුත් කල නිවේදනයක දැක්වෙන්නේ.
දිවයින පුරා රජයේ වෛද්‍ය නිලධාරීන්ගේ සංගමයේ ශාඛා සංගම් මගින් මේ වන විට පවතින ඖෂධ හිගය හා මිල ඉහළ යාම නිසා ඇති වු අභියෝග පිළිබඳ කරුණු දැක්වීම් රාශියක් සිදුකර ඇති බවයි අදාල නිවේදනයේ දැක්වෙන්නේ.
පවතින තත්ත්වය පිළිබඳ නිරවද්‍ය තොරතුරු වාර්තා කිරීමත්, අර්බුදකාරී තත්ත්වය නිවැරදි කිරීමත් සඳහා ගත යුතු පියවර අදාල වාර්තාව මගින් අනාවරණය කරන බවයි රජයේ වෛද්‍ය නිළධාරීන්ගේ සංගමය වැඩිදුරටත් සදහන් කළේ.
