නීතිවිරෝධී ලෙස විදේශ රැකියා ආයතන පවත්වාගෙන යන ස්ථාන 25 ක් මෙම වසර තුළ විදේශ සේවා නියුක්ති කාර්යංශයේ විමර්ශන නිලධාරීන් විසින් වටලා ඇති බව කම්කරු හා විදේශ කියා අමාත්‍ය මනූෂ නානායක්කාර පවසනවා.
වංචනික ලෙස විදේශ රැකියා සඳහා මෙරට පුද්ගලයින් පිටත් කර යැවීමේ සිද්ධීන් 190 ක් සම්බන්ධයෙන් අධිකරණයට කරුණු වාර්තා කර ඇති බවයි අමාත්‍යවරයා අද පාර්ලිමේන්තුවේදී ප්‍රකාශ කළේ.
ඕමානයේ රැකියා සඳහා ගොස් මෙරට කාන්තාවන් පිරිසක් විවිධ අතවරයන්ට ලක්ව ඇතැයි කියන සිද්ධිය සම්බන්ධයෙන් අදහස් දක්වමින් අමාත්‍යවරයා මේ බව කියා සිටියා.
මේ අතර චෝදනාවට ලක්ව ඇති ඕමාන තානාපති කාර්යාලයේ තෙවැනි ලේකම්වරයාගේ සේවය අත්හිටුවා මෙරටට කැඳවා ඇති බවත්, ඔහු දිවයිනට පැමිණි පසු අත්අඩංගුවට ගැනීමට කටයුතු කරන බවත් අමාත්‍යවරයා එහිදී සඳහන් කළා.
