ජපානයේ පැවැත්වෙන ඔලිම්පික් තරගාවලියට සහභාගී වන ලාංකික ක්‍රීඩක ක්‍රීඩිකාවන්ට අවශ්‍ය සියලු පහසුකම් සදහා මූල්‍ය ප්‍රතිපාදන ලබාදුන් බව ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජෙනරාල් අමල් එදිරිසූරිය මහතා පවසනවා.
ඔලිම්පික් තරගාවලියට එක්වන ලාංකිය ක්‍රීඩක ක්‍රීඩිකාවන්ට තරග සදහා සුදුසු ඇදුම් ලබා දි නොමැති බවට විවිධ මාධ්‍ය ඔස්සේ පළව ඇති පුවත් සම්බන්ධයෙන් ප්‍රතිචාර දක්වමිනුයි ඔහු මේ බව සදහන් කලේ.
ජාතික ඔලිම්පික් කමිටුව ඇස්තමේන්තු කළ සියලු මුල්‍ය ප්‍රතිපාදන අදාල ක්‍රීඩක ක්‍රීඩිකාවන් වෙත ලබාදුන් බවද අදාල නිවේදනයේ සදහන්.
ඔලිම්පික් උළෙල සම්බන්ධයෙන් ක්‍රීඩා අමාත්‍යාංශයේ සාකච්ඡාවක් පැවති බවත් ලාංකීය ක්‍රීඩක ක්‍රීඩිකාවන්ට අවශ්‍ය ඇදුම් සදහා පෞද්ගලික ආයතනයක් විසින් අනුග්‍රාහකත්වය දැක්වු බවත් ජාතික ඔලිම්පික් කමිටු නිළධාරින් එහිදි දැනුම්දුන් බවද මෙම නිවේදනයේ දැක්වෙනවා.
