ඔමික්‍රෝන් නව කොවිඩ් ප්‍රභේදය ආසාදිත බවට තහවුරුකරගත් මෙරට කාන්තාවගේ පවුලේ සියලු දෙනාද මේ වන විට නිරෝධායනයට ලක් කර ඇති බව ශ්‍රී ලංකා මහජන සෞඛ්‍ය පරීක්ෂවරුන්ගේ සංගමය පවසනවා.
ඊට අමතරව ඔවුන්ගේ සමීපතමයින් සොයා විමර්ශණයක් ආරම්භ කර ඇති බවයි මාධ්‍යයට අදහස් දක්වමින් මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා කියා සිටියේ.
මේ අතර මෙම කාන්තාවගේ ආශ්‍රිතයින් ලෙස හදුනාගෙන ඇති පුද්ගලයින්ද කිසිදු කොවිඩ් මර්ධන එන්නත් ලබා ගෙන නොමැති බවට තහවුරු වී ඇති බවද උපුල් රෝහණ මහතා සදහන් කළා.
මෙම කාන්තාව නයිජීරියාවේදී සහභාගි වී ඇතැයි කියන ආගමික සමුලුව සදහා අප්‍රිකානු රටවල්වල බොහෝ පිරිසක් සහභාගී වී ඇති අතර එහිදී සෞඛ්‍ය උපදෙස් සම්බන්ධයෙන් වැඩි අවදානයක් යොමු වී නොමැති බවට ඇය විසින් ප්‍රකාශ කර ඇතැයිද උපුල් රෝහණ මහතා මෙහිදී කියා සිටියා.
