කොවිඩ් මර්ධන එන්නත්කරණය හරහා ඉන්ද්‍රීය දුර්වලතා සහිත රෝගීන්ට බරපතල හානියක් සිදු නොවන බවට සෞඛ්‍ය අංශ අවධාරණය කරනවා.
ඒ අනුව මුත්‍රා ආශ්‍රිත රෝග පවතින රෝගීන්ට එන්නත් ලබා ගැනීම මගින් මුත්‍රා අපහසුතා ඇතිවීම වැනි රෝගී තත්වයන් හට නොගන්නා බවයි නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා කියා සිටියේ.
මේ ඒ සම්බන්ධයෙන් සෞඛ්‍ය ප්‍රවර්ධන කාර්යංශයේ අද පැවති මාධ්‍ය හමුවට එක්වෙමින් වැඩිදුරටත් කරුණු පැහැදිලි කළ නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා.
මේ අතර පසුකොවිඩ් තත්වයේදී යම්කිසි රෝග ලක්ෂණයක් පවතීනම් එය නොසළකා හැරීමෙන් වළකින්නැයි මෙම මාධ්‍ය හමුවට එක්වූ දකුණු කොළඹ ශික්ෂණ රෝහලේ කායික රෝග පිළිබද විශේෂඥ වෛද්‍ය නන්දන දික්මාදුගොඩ මහතා සදහන් කළා.
ඒ අනුව පසුකොවිඩ් තත්වය පිළිබද සිදුකළ අධ්‍යයනයන් සහ ඊට අදාළ රෝගීන් සළකා බලා පසු කොවිඩ් රෝගී තත්වයන්ට ප්‍රතිකාර කරනු ලබන සායනයන් ආරම්භ කර ඇති බවද නන්දන දික්මාදුගොඩ මහතා ප්‍රකාශ කලා.
එය සෞඛ්‍ය අමාතංශයේ අනුමැතිය යටතේ සියලුම කායික රෝග සායනවල ක්‍රියාත්මකයි.
මේ පසු කොවිඩ් රෝගී තත්වයන් සම්බන්ධයෙන් අදහස් දැක්වූ නන්දන දික්මාදුගොඩ මහතා.
කොවිඩ් ආසාදිත අවස්ථාවේදී ස්නානය කිරීමෙන් අයහපත් සෞඛ්‍ය තත්වයන් ඇතිවන බවට පැතිරෙන ප්‍රකාශ දුර්මත බවද විශේෂඥ වෛද්‍ය නන්දන දික්මාදුගොඩ මහතා මෙහිදී දැනුම් දුන්නා.
